ქვეყანაში ძაღლების ორთაბრძოლების მოწყობა იკრძალება და 35 ათას ლარამდე ჯარიმით ისჯება. ამის შესახებ საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ საპარლამენტო სესიაზე კანონპროექტის წარდგენისას განაცხადა.
„სამწუხაროდ ძალიან გაზრდილია ძაღლების ორთაბრძოლების მოწყობის სტატისტიკა. გვაქვს ძალიან სავალალო მდგომარეობა ამ კუთხით. შესაბამისად ძაღლების ორთაბრძოლებისთვის, რომელიც იკრძალება, არის განსაზღვრული ადმინისტრაციული ჯარიმა 25 ათასიდან 35 ათასი ლარის ოდენობით. თუ ამასთან დაკავშირებით გვექნება შენიშვნები თანხის ოდენობასთან დაკავშირებით შეგვიძლია მეორე მოსმენისთვის ვიმსჯელოთ. შეგახსენებთ, რომ ასეთი დიდი ჯარიმა ჩვენ გაქვს შავი ზღვის ნავთობის დაბინძურებისთვის. თუმცა ეს დამატებით სამსჯელოა, მაგრამ შემაკავებელი ეფექტი აუცილებლად უნდა ჰქონდეს, რადგანაც ამ ორთაბრძოლებში გამოყენებული ძაღლების ქუჩაში მიტოვებაც ხდება და ისინი არიან ის ძაღლები, რომლებიც განსაკუთრებული აგრესიულობით გამოირჩევიან, რადგანაც ძალიან დიდი მნიშვნელობა აქვს, როგორც ვზრდით ძაღლს“, – აღნიშნა ბითაძემ.
businessinsider.ge
Loading ...