ევროპასთან ინტეგრაციისა და საგარეო ურთიერთობათა კომიტეტების თავმჯდომარეებად დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია და თავდაცვის კომიტეტის თავმჯდომარის მოადგილე ირაკლი ბერაია განიხილებიან. ამის შესახებ ექსკლუზიურად „ქრონიკისთვის“ გახდა ცნობილი.
დიდი ალბათობით, რომან კაკულია ევროპასთან ინტეგრაციის კომიტეტს, ირაკლი ბერაია კი საგარეო ურთიერთობათა კომიტეტს ჩაიბარებს. რაც შეეხება სხვა თანამდებობებს, ჯერჯერობით მმართველ გუნდში კანდიდატურებზე საბოლოო პოზიცია ჩამოყალიბებული არაა.
„კონსულტაციები უკვე დაწყებულია, ძალიან მალე მოხდება საკადრო გადაადგილებები. კომიტეტები გააგრძელებენ ჩვეულ რეჟიმში საქმიანობას. გარწმუნებთ, რომ ამ პოზიციებზე პროფესიონალებს შევარჩევთ“, – განაცხადა პარლამენტის თავმჯდომარემ არჩილ თალაკვაძემ.
ვინ უხელმძღვანელებს განათლების, მეცნიერებისა და კულტურის კომიტეტს, ვინ ჩაანაცვლებს რომან კაკულიას დარგობრივი ეკონომიკისა და ეკონომიკური პოლიტიკის კომიტეტის თავმჯდომარის პოსტზე, ვინ დაწინაურდება ვიცეპისკერების პოზიციებზე, ამ საკითხებზე კონსულტაციები აქტიურად მიმდინარეობს.
imedinews.ge
Loading ...