ცივი იარაღის ტარებასთან დაკავშირებული ჯარიმები გამკაცრდება. ამის შესახებ პარლამენტმა უკვე დაუჭირა პირველი მოსმენით მხარი საკანონმდებლო ცვლილებებს, „ადმინისტრაციულ სამართლადარღვევათა კოდექსში“.
ცვლილების საბოლოო დამტკიცების შემდეგ, ცივი იარაღის ტარებისთვის პირი 200 ლარის ნაცვლად დაჯარიმდება 500 ლარით და ცივი იარაღიც ჩამოერთმევა.
„არსებული ვითარების გაანალიზების შედეგად აღმოჩნდა, რომ სხვა ქვეყნებთან შედარებით ბევრად უფრო ლიბერალურია ჩვენი კანონმდებლობა. ევროპის ქვეყნებში ამ მიმართულებით კიდევ უფრო მკაცრი სანქციები გამოიყენება.
სამწუხაროდ ძალიან გაიზარდა ცივი იარაღით დანაშაულის ჩადენის შემთხვევები.
ბოლო სტატისტიკით მკვლელობების 54% ჩადენილია ცივი იარაღით და ამ ცვლილების მთავარი მიზანი სწორედ არის პრევენცია იმ დანაშაულების, რომელთაც ვხედავთ ჩვენს რეალობაში“, – განაცხადა პარლამენტში საკანონმდებლო ცვლილების წარდგენისას შსს მინისტრის მოადგილემ ალექსანდრე დარახველიძემ.
პარლამენტმა კანონპროექტს პირველი მოსმენით დაუჭირა მხარი.
Loading ...
