ჩოხატაურში ოჯახური ძალადობის ბრალდებით მამაკაცი დააკავეს

ჩოხატაურის მუნიციპალიტეტის სოფელ ფარცხმაში ოჯახური ძალადობის ბრალდებით ახალგაზრდა მამაკაცი დააკავეს.

როგორც “გურიაtv”_ის უთხრეს, შემთხვევა 3 დღის წინ მოხდა. არსებული ინფორმაციით, მამაკაცმა მეუღლეს სიტყვიერი და ფიზიკური შეურაცყოფა მიაყენა. სასამართლომ ბრალდებულს გირაო შეუფარდა. როგორც პროცესზე განმარტეს, გირაოს შეფარდების მიზეზი ის იყო, რომ ამ დრომდე სამართალდამცავ უწყებაში ძალადობის შეაახებ შეტყობინება არ გაკეთებულა და ეს პირველი შემთხვევა იყო. აღსანიშნავია, რომ ბოლო პერიოდში ჩოხატაურში ოჯახური ძალადობის შემყხვევებმა იკლო. ბოლო სამი თვის განმავლობაში ეს მეორე შემთხვევაა, გასულ წელს ეს მაჩვენებელი საკმაოდ დიდი იყო. მოქალაქეები მიიჩნევენ რომ ამის მიზეზი აქტიური კამპანიაა _ ახლა ქალები უფრო დაცულები არიან და მამაკაცებიც ერიდებიან. ეს იმას არ ნიშნავს რომ არ ძალადობენ, თუმცა, როცა იციან რომ შეიძლება ამის გამო დააკავონ, ეშინიათ, _ აღნინსავენ მოქალაქეები.  მათი თქმით, ეს კამპანია უფრო უნდა გაძლიერდეს.