ჩოხატაურის საკრებულოს ყოფილ თავმჯდომარეს, დავით შარაშიძეს ოზურგეთის რაიონულმა სასამართლომ საპროცესო გარიგებაზე უარი უთხრა. მიუხედავად იმისა, რომ ადვოკატმა ბრალდებულის მიერ ბრალის აღიარების და მონანიების შესახებ ვრცლად ისაუბრა, მოსამართლემ ბრალდებულები კვლავ პატიმრობაში დატოვა.
პროცესს სამივე ბრალდებული ონლაინ ესწრებოდა.
აღნიშნულ პროცესზე დაცვის მხარემ სასამართლო პროცესის გადადება მოითხოვა, რასაც ბრალდების მხარეც დაეთანხმა და საბოლოოდ სხდომა 29 მაისისთვის ჩაინიშნა.
დღევანდელ სასამართლო პროცესს ბრალდებულების ოჯახების წევრები და ახლობლები ესწრებოდნენ.
შეგახსენებთ, შინაგან საქმეთა სამინისტროს ინფორმაციით, ოზურგეთში მდებარე ერთ-ერთ რესტორანში, ურთიერთშელაპარაკების ნიადაგზე, ჩოხატაურის საკრებულოს თავმჯდომარემ და მასთან ერთად მყოფმა ორმა მოქალაქემ ჯგუფურად იძალადეს პოლიციელზე, რომელიც იმ მომენტისთვის არ ასრულებდა სამსახურებრივ მოვალეობას.
კერძოდ,უწყების ცნობით, ისინი ფიზიკურად გაუსწორდნენ სამართალდამცველს, რის შედეგადაც პოლიციელმა დაზიანებები მიიღო სახის არესა და სხეულის სხვადასხვა ნაწილში.
Loading ...