ჩოხატაურის რომელ სოფლებში უნდა დაიწყოს გაზიფიცირების სამუშაოები – "ეს პროცესი გაგრძელდება"

ქვეყნის სრული გაზიფიცირების მიზნით, საქართველოს მთავრობის განკარგულების თანახმად, „საქართველოს გაზის ტრანსპორტირების კომპანია“, გაზიფიცირების საპროექტო და სამშენებლო სამუშაოებს ახორციელებს. როგორც ჩოხატაურის მუნიციპალიტეტის მერმა ირაკლი კუჭავამ “გურია TV”- ს უთხრა, ჩოხატაურის მუნიციპალიტეტის სოფელ ქვენობანში, 28 000 გრძივი მეტრი გაზსადენი უკვე შენდება: – სოფლებში ვანი, ზომლეთი, ბუკნარი, ბასილეთი, მეწიეთი პროექტირებაზე ტენდერი უკვე გამოცხადდა და ეს პროცესი გაგრძელდება მუნიციპალიტეტის ჯერ კიდევ გაზიფიცირების გარეშე დარჩენილ ყველა თემში, – გვითხრა კუჭავამ. მისივე ინფორმაციით, ბუნებრივი აირის მიწოდება დაიწყო იმ სოფლებში, რომელთა დაქსელვა დამთავრებული იყო. ამაღლებისა და ხევის თემში აბონენტების ნაწილი ბუნებრივი აირით უკვე სარგებლობს,-  ამბობს ჩოხატაურის მერი.