ჩოხატაურის რომელ მაჟორიტარულ ოლქში გაიმართება მეორე ტური

ჩოხატაურში მერობის კანდიდატებს შორის მეორე ტური არ გაიმართება. პირველადი მონაცემების მიხედვით,  კანდიდატმა ”ქართული ოცნებიდან” დავით შარაშიძემ ხმების 61,86 % მიიღო.

”ერთიანი ნაციონალური მოძრაობის” კანდიდატმა ნონა სიხარულიძემ ამომრჩევლის 21,85%-ის მხარდაჭერა მოიპოვა. პაატა ბერიშვილმა პარტიიდან ”საქართველოსთვის” 12,15% მიიღო.  მალხაზ ჩხიკვაძემ ”ლელოდან” კი ხმების 4,18 %.

რაც შეეხება მაჟორიტარულ ოლქებს, ჩოხატაურში 12 მაჟორიტარული ოლქია, აქედან 11 -ში ”ქართული ოცნების” კანდიდატებმა გაიმარჯვეს. მე-10 ოლქში კი მეორე ტური გაიმართება. აღნიშნულ ოლქში პარტია საქართველოს” კანდიდატმა მამუკა ჯინჭარაძემ ხმების 36,77% მიიღო, ხოლო ”ქართული ოცნების” კანდიდატმა ზვიად მამალაძე – 37,76 %.