ჩვენ მოვიყვანთ ახალ ძალას… არჩევნებში გამარჯვება არ გაგვიჭირდება – მეუფე იაკობი

ბოდბელი ეპისკოპოსი იაკობი მორიგ პოლიტიკურ განაცხადს აკეთებს და ამბობს, რომ შემდეგი არჩევნებისთვის ახალ ძალას ჩაუდგება სათავეში. მისივე თქმით, არც “მხარდაჭერა გაუჭირდება და არც არაფერი”, რათა არჩევნებში გაიმარჯვოს.

“ამ არჩევნებს გვატარებს, შევხედავ რა ხდება რა არა. ჩავერთვებით მერე ყველანაირი ფორმით, საქართველოს  ასეთ არევას მერე უკვე აღარავის არ ვაპატიებთ. მანამდე უკვე ეკლესიაში მოგვარებული გვექნება, ვინც მტრობს ეკლესიას. მე ვთქვი, რომ ჩვენ ჩავუდგებით ახალ ძალას. მოფიქრებული გვაქვს რაც უნდა გავაკეთოთ. არც მხარდაჭერა გაგვიჭირდება და არც არაფერი არჩევნებში გასამარჯვებლად. პირადად გეუბნებით, ახალ ძალებს ჩავუდგები სათავეში… ჩვენ მოვიყვანთ ახალ ძალას. თუ დავინახეთ, რომ ახალი და ძველი ძველი ძალების ჩარევით, იმის გამო, რომ ერთმანეთში ქიშპი აქვს, ფაქტობრივად რუსულ საქმეს აკეთებენ ერთმანეთის ჯინაზე, ისე, რომ თვითონაც ვერ ხვდებიან”, – ამბობს მეუფე იაკობი.

მისივე თქმით, “სახელმწიფოს მომავალზე ძალიან კარგი ხედვა აქვს” და იცის “რა და როგორ უნდა შეიცვალოს”.

ჟურნალისტის შეკითხვაზე, განიხილავს თუ არა ის ლევან ვასაძესთან თანამშრომლობას მეუფე იაკობი პასუხობს, რომ “ლევან ვასაძეს რა აზრები აქვს არ იცის”. ასევე, მაღალი იერარქი ვერ ხვდება “როგორ და რატომ უნდა მოიაზრებოდეს ლევან ვასაძეს მის გვერდით“. მისივე თქმით, მილი ახალი პოლიტიკური ძალა “ცალკე იქნება”.