“ჩვენ მალე გავათავისუფლებთ ირანს” – ბაიდენის ამ განცხადებას ირანის პრეზიდენტი გამოეხმაურა

აშშ-ის პრეზიდენტმა, ჯო ბაიდენმა, კონგრესის შუალედური არჩევნების კამპანიის დროს, სიტყვით გამოსვლისას პირობა დადო, რომ ირანს გაათავისუფლებს – “არ ინერვიულოთ, ჩვენ მალე გავათავისუფლებთ ირანს. ისინი საკუთარ თავს ძალიან მალე გაათავისუფლებენ”, – თქვა ბაიდენმა

მას არ დაუკონკრეტებია, რის გაკეთებას აპირებს აშშ-ის მთავრობა “ირანის გასათავისუფლებლად”

ბაიდენის განცხადებაზე თეთრ სახლს დამატებითი კომენტარი ჯერჯერობით არ გაუკეთებია.

ბაიდენის ამ განცხადებას ირანის პრეზიდენტმა იბრაჰიმ რაისიმ  ასე უპასუხა .ირანი 1979 წელს, ისლამური რევოლუციის დროს უკვე გათავისუფლდა. ინფორმაციას Reuters ავრცელებს.

„მე ბაიდენს ვეუბნები, ირანი 43 წლის წინ უკვე გათავისუფლდა“ – განაცხადა რაისიმ სატელევიზიო გამოსვლის დროს.

აშშ-ის პრეზიდენტმა, ჯო ბაიდენმა დღეს პირობა დადო, რომ გაათავისუფლებს ირანს და თქვა, რომ ქვეყნის მთავრობის წინააღმდეგ გამოსული დემონსტრანტები მალე მოახერხებენ ქვეყნის  გათავისუფლებას.

ბოლო დღეებში მედიაში ვრცელდება ინფორმაცია, რომ ირანსა და საუდის არაბეთს, ასევე ირანსა და აზერბაიჯანს შორის შეიძლება შეიარაღებული დაპირისპირება მოხდეს და ამ პროცესში თურქეთიც იქნება ჩართული.