ჩეხეთი უკრაინას მძიმე სამხედრო ტექნიკას გადასცემს. ინფორმაციას ამის შესახებ ჩეხეთის თავდაცვის მინისტრი იანა ჩერნოხოვა ავრცელებს.
“უსაფრთხოების მოსაზრებებიდან” გამომდინარე მინისტრმა არ დააკონკრეტა, რა სახის შეიარაღებაზეა საუბარი და აღნიშნა, რომ მიწოდებული აღჭურვილობის გასაჯაროება უკრაინულ მხარესაც არ სურს, თუმცა დაამატა, რომ საუბარი მძიმე ტექნიკას, ახლო და შორი მანძილის იარაღსა და საბრძოლო მასალას ეხება.
ჩერნოხოვამ აღნიშნა, რომ 2022 წელს ამ მომენტისთვის ჩეხეთმა უკრაინას 4.2 მილიარი ევროს ოდენობის დახმარება მიაწოდა, რომლიდანაც 1.9 მილიარდ ევროზე მეტი სამხედრო დახმარებაა.
ინფორმაციისთვის, სოციალურ ქსელებში გავრცელებული ფოტო და ვიდეომასალებიდან, უკრაინის წარმომადგენლებისა და მოკავშირეების განცხადებებიდან გამომდინარე აქამდე ჩეხეთი უკრაინას ტანკებს, ვერტმფრენებს, არტილერიასა და სარაკეტო სისტემებს აწვდიდა.
Loading ...