ხშირად არის შემთხვევები, როდესაც პროდუქტის გამყიდველები მომხმარებლის მოტყუებას სხვადასხვა გზით ცდილობენ. იმისათვის, რომ თავიდან ავირიდოთ შემდგომი დაავადებები, საჭიროა ვიცოდეთ, როგორ უნდა ავარჩიოთ ესა თუ ის პროდუქტი. ერთ-ერთი ასეთი პროდუქტი, რომელიც სიფრთხილით უნდა ავარჩიოთ, ნიგოზია.
თუ კაკლის ყიდვას გადაწყვეტთ, გაითვალისწინეთ, გაქანებისას მასში შიგთავსი არ უნდა მოძრაობდეს, თუ ნიგვზის მოძრაობას იგრძნობთ, ასეთი პროდუქტი დიდი ალბათობით უხარისხო გამოდგება. ხშირად არაკეთილსინდისიერი გამყიდველები, წონის მომატების მიზნით იმ ტომარას ასველებენ, რომელშიც კაკალია მოთავსებული, კაკალი წყალს იწოვს და მძიმე ხდება, თუმცა ასეთი პროდუქტი გემრიელი კერძის მოსამზადებლად არ გამოგადგებათ, ამიტომ ჩაყავით ხელი კაკლის ტომარაში, რაც შეიძლება ღრმად, ხელი მშრალი უნდა დარჩეს.
ამასთან, უნდა ვიცოდეთ, რომ მოგრძო კაკალში მეტი ნიგოზია, მრგვალში კი შიგთავსი შედარებით მცირე რაოდენობით. მთავარია ნიგოზი არასაფრთხისშემცველი იყოს, ალბათ ხშირად გინახავთ ობიანი, ასევე მწარე გემოს მქონე ნიგოზი. ჩვენ ინტერნეთით მოვიძიეთ კადრები, სადაც ნაჩვენებია ლაბორატორიული შემოწმების შედეგები, სადაც ნიგვზების თითქმის 60 პროცენტი ამჟავებული გამოდგა, ასევე ბევრ მათგანში აფლოტოქსინის არსებობა დაფიქსირდა.
სოკო, რომელიც ძირითადად ვადაგასული მზესუმზირების, თხილისა და ნიგვზისმაგვარ პროდუქტებში გვხვდება. ერთ-ერთი ყველაზე ძლიერი შხამი, რომლის მცირე დოზებით ორგანიზმში მოხვედრა აზიანებს ღვიძლს, დიდმა დოზამ კი შესაძლოა ადამიანის სიკვდილი გამოიწვიოს. ამიტომ აუცილებლად გაითვალისწინეთ, არავითარ შემთხვევაში არ შეიძინოთ ნიგოზი თუ კი მას დამწვარი ზეთის სუნი აქვს, ოდნავ მომწარო ნიგოზიც კი სახიფათოა თქვენი ჯანმრთელობისთვის. ამიტომ თუ კი გოზინაყში, ან ჩურჩხელაში მოთავსებული თხილი და ნიგოზი მწარე მოგეჩვენებათ, არავითარ შემთხვევაში არ გადაყლაპოთ ის, რადგან რამდენჯერმე მირთმეული ასეთი გაფუჭებული პროდუქტი, შესაძლოა ისეთი მძიმე დაავადების წინაპირობა გახდეს, როგორის ღვიძლის ავთვისებიანი სიმსივნეა. ნიგვზის შეძენისას დააკვირდით, რომ თითოეული ლებანი საღი და მშრალი იყოს და არავითარ შემთხვევაში არ ქონდეს მომწარო სუნი და გემო.
წყარო-
Loading ...
