შოთა არველაძე სამწვრთნელო საქმიანობას ოფიციალურად დაუბრუნდა – ცნობილია რომელი გუნდის მწვრთნელი იქნება

შოთა არველაძე აქტიურ სამწვრთნელო საქმიანობას უბრუნდება – ქართველი თურქეთის სუპერლიგის გუნდ ფატიჰ კარაგუმრუკს გაწვრთნის. აღნიშნული ინფორმაცია თავად კლუბმა ოფიციალურ ინსტაგრამ გვერდზე გაავრცელა.

კარაგუმრუკი, რომელსაც ამჟამად ალფარსლან ერდემი წვრთნის, თურქეთის სუპერლიგის მიმდინარე სეზონში ჩატარებული 15 მატჩის შემდეგ სატურნირო ცხილში მე-11 ადგილს იკავებს. სტამბოლურ გუნდს 17 ქულა აქვს და ევროტურნირების ზონას 9 ქულით ჩამორჩება.

შოთა არველაძემ 2022 წლის 30 სექტემბერს ინგლისური ჰალ სიტი დატოვა და მას შემდეგ უმუშევარი იყო. როგორც კარაგუმრუკის განცხადებაში ვკითხულობთ, ქართველ სპეციალისტსა და კლუბს შორის პრინციპული შეთანხმება მიღწეულია. სხვადასხვა თურქულის გამოცემის მიხედვით, არველაძე ფატიჰთან კონტრაქტს ხვალ, 12 დეკემბერს გააფორმებს.

50 წლის არველაძის სამწვრთნელო კარიერაში კარაგუმრუკი მეშვიდე გუნდი იქნება. აქამდე შოთას თურქეთის სუპერლიგის სამ კლუბში: კაიზერსპორში, ქასიმფაშასა და ტრაბზონსპორში უმუშავია. აღნიშნული გუნდების გარდა ქართველი ტაშკენტის ფახთაქორსა და თელავივის მაკაბისაც წვრთნიდა. როგორც ზემოთ აღვნიშნეთ, ჰალ სიტიდან წამოსვლის შემდეგ არველაძე უმუშევარი იყო.