წინასაარჩვენო რეგულაციები მედიისთვის და საკანონმდებლო ცვლილებები, კორონაკრიზისი და მისი გავლენა მედიასექტორზე – ეს ის ძირითადი საკითხები იყო, რაზეც პარლამენტის თავმჯდომარესთან შესხევდრაზე რეგიონულ მაუწყებელთა ალიანსის წარმომადგენლებმა ისაუბრეს.
დისტანციურ შეხვედრაზე, რომელშიც ალიანსის მხრიდან თავმჯდომარე ავთანდილ გველებიანი, თავმჯდომარის მოადგილე – გერმანე სალია და დირექტორი – ნათია კუპრაშვილი მონაწილეობდნენ, არჩილ თალაკვაძემ ხაზი გაუსვა რეგიონული მედიის მნიშვნელობას და აღნიშნა, რომ მიმდინარეობს კონსულტაციები კორონაკრიზისის ფონზე მედიის მხარდამჭერი ღონისძიებების შესახებ.
პარალმენტის თავმჯდომარემ დაადასტურა მზაობა, რომ წინასაარჩევნო საკანონმდებლო ცვლილებებზე მსჯელობა , რომელიც შესაძლოა მედიის მოქმედების წესებსაც შეეხოს, სექტორის ჩართულობით წარიმართება.
შეგახსენებთ, აპრილის ბოლოს რეგიონულ მაუწყებელთა ალიანსმა კორონაკრიზისით გამოწვეული პრობლემების მოგვარების მიზნით ხელისუფლებას კონკრეტული ნაბიჯების გადადგმის წინადადებით მიმართა. 2 ივნისს კი ალიანსმა სპეციალური განცხადება გაავრცელა პოლიტიკური რეკლამის რეგულირებისა და ახალ საკანონმდებლო ინიციტივებთან დაკავშირებით.
Loading ...