კორონავირუსი არ არის ჰაეროვანი ინფექცია – ამის შესახებ იმუნოლოგ-ალერგოლოგი ბიძინა კულუმბეგოვი აცხადებს. მისი თქმით, ვირუსი ორი მეტრის მანძილზე ვრცელდება, და თუ ადამიანი დარბის და ჩვენც იმავე წრეში დავრბივართ, შეიძლება 5-6 მეტრზეც გავრცელდეს. ამის შესახებ კულუმბეგოვმა „რუსთავი 2“-ის ეთერში განაცხადა. იმუნოლოგი განმარტავს, რომ კორონავირუსი არ არის ჰაეროვანი ინფექცია და შესაბამისად, ის ქარით არ ვრცელდება.
„კორონავირუსი ფანჯარში რომ შემოვიდეს, მეცხრე-მეათე ან პირველ სართულზე, მსგავსი რამ არ ახასიათებს. ეს არ არის ჰაეროვანი ინფექცია – ეს ახასიათებს ჰაეროვან ინფექციას: წითელას, ტუბერკულოზს, ჩუტყვავილას და ა.შ. თუმცა იქაც კი შეიძლება ითქვას, რომ გადაჭარბება და ულტრირებაა. მნიშვნელოვანია დავაზუსტოთ, რომ კორონავირუსი ქარით არ ვრცელდება”, – განაცხადა ბიძინა კულუმბეგოვმა.
Loading ...
