“კორონავირუსის გადადება ხშირად ხდება სიმღერის ან ხმამაღალი საუბრის დროს”, – ამის შესახებ დაავადებათა კონტროლის ეროვნული ცენტრის გადამდებ დაავადებათა ცენტრის ხელმძღვანელმა ხათუნა ზახაშვილმა facebook-პრესკონფერენციაზე განაცხადა.
ზახაშვილი მოქალაქეებს ურჩევს, განსაკუთრებით ფრთხილად იყვნენ ადამიანები და დაიცვან რეკომენდაციები განსაკუთრებით ისეთ სივრცეებში, სადაც მღერიან ან ხმამაღლა საუბრობენ.
„დახურულ სივრცეებში კორონავირუსის გავრცელება უფრო იოლად ხდება, ასევე, ახლოს მყოფ ადამიანებში – არ აქვს მნიშვნელობა ეს იქნება ტაძარში, სახლში, თუ სხვაგან. აუცილებელია, სივრცეების ვენტილაცია. ხშირი იყო შემთხვევები, როცა ინფიცირებული ადამიანი ხმამაღლა საუბრობდა ან მღეროდა და მოხდა ვირუსის გადადება. უნდა დავაკვირდეთ ამ ყველაფერს და არ უნდა მოვხვდეთ ასეთ არეალში. თუ ადამიანი მღერის, დავიცვათ მისგან დისტანცია და გავიკეთოთ პირბადე“, – განაცხადა ხათუნა ზახაშვილმა.
Loading ...