ქობულეთის შემოვლით საავტომობილო გზას მეორე ზოლი დაემატება. ამის შესახებ აღნიშნულია 2026 წლის სახელმწიფო ბიუჯეტის პროექტში.
ქვეყნის მთავარ ფინანსურ დოკუმენტში 2026-2029 წლების განმავლობაში აღნიშნული გზის მშენებლობისთვის გათვალისწინებულია 480 მილიონი ლარი.
აქედან, 2026 წლის ბიუჯეტი ითვალისწინებს 15 მილიონის დახარჯვას, 2027 წელს – 85 მილიონი ლარის, 2028 წელს – 160 მილიონი ლარის, ხოლო 2029 წელს 220 მილიონი ლარის გამოყოფას.
„აშენებული 31 კმ-იანი საავტომობილო გზით, გაუმჯობესდება ავტოტრანსპორტით მგზავრთა უსაფრთხო და შეუფერხებელი გადაადგილება, შემცირდება მგზავრობის დრო და ა.შ. გაუმჯობესდება საქართველოს საგზაო ინფრასტრუქტურის გაზრდილი კონკურენტუნარიანობა სატრანსპორტო გადაზიდვების საერთაშორისო კორიდორებში და უზრუნველყოფილი იქნება ავტოტრანსპორტის გაზრდილი ნაკადების გამტარუნარიანობა“, – აღნიშნულია 2026 წლის სახელმწიფო ბიუჯეტის პროექტში.
ამასთანავე, პროექტიდან ირკვევა, რომ მიწების გამოსყიდვასთან დაკავშირებული პროცედურები უკვე მიმდინარეობს.
www.bpn.ge
Loading ...