შეერთებულმა შტატებმა ვიზების გადახედვა დაიწყო. მოწმდება უკვე გაცემული ვიზის მფლობელი 55 მილიონი ადამიანი. Associated Press სახელმწიფო დეპარტამენტის მაღალჩინოსანზე დაყრდნობით წერს, რომ საქმე ინიგრაციის კანონმდებლობის შესაძლო დარღვევებს ეხება და უცხოეთის მოქალაქეების დოკუმენტაციის შემოწმებაც ამის გამო გადაწყვიტეს.
კერძოდ, დეპარტამენტი იკვლევს, გადაცილებულია თუ არა ვიზა და უკავშირდება თუ არა პირი დანაშაულს ან ტერორიზმს. თუ აღმოჩნდება, რომ უცხოელმა დაარღვია მოთხოვნები, მისი ვიზა გაუქმდება, იმ შემთხვევაში კი თუ ის აშშ-ში იმყოფება, ქვეყნიდან გააძევებენ.
„მიმოხილვის ფარგლებში, ჩვენ განვიხილავთ ყველა არსებულ ინფორმაციას, მათ შორის სამართალდამცავი ორგანოების ჩანაწერებს, იმიგრაციის ჩანაწერებს ან ნებისმიერ სხვა ინფორმაციას, რომელიც ვიზის გაცემის შემდეგ გახდება ცნობილი და პოტენციურ შეუსაბამობაზე მიუთითებს“ – აცხადებენ სახდეპში.
ოფიციალური პირების თქმით, შემოწმებები მოიცავს ვიზის ყველა მფლობელის სოციალურ ქსელში არსებულ ანგარიშებს, სამართალდამცავი ორგანოებისა და იმიგრაციის ჩანაწერებს მათ სამშობლოში, ასევე აშშ-ის კანონმდებლობის ნებისმიერ დარღვევას, რომელიც მათ შეერთებულ შტატებში ყოფნის დროს ჩაიდინეს. სახელმწიფო დეპარტამენტმა აღნიშნა, რომ იანვარში დონალდ ტრამპის ინაუგურაციის შემდეგ, დეპარტამენტმა გააუქმა ორჯერ მეტი ვიზა, ვიდრე გასული წლის ანალოგიურ პერიოდში.
კომენტარები
Loading ...