ყირიმში აფეთქებების შემდეგ რუსეთმა შავი ზღვის ფლოტის ავიაციის ნახევარი დაკარგა

9 აგვისტოს უკრაინის თავდასხმამ ყირიმის სოფელ ნოვოფედოროვკაში მდებარე საკის აეროდრომზე გაანადგურა რუსეთის შავი ზღვის ფლოტის ავიაციის საბრძოლო თვითმფრინავების ნახევარზე მეტი. ამის შესახებ ჟურნალისტებს დასავლური დაზვერვის ანონიმურმა მაღალმა წარმომადგენელმა განაცხადა, იტყობინება ბრიფინგზე დამსწრე ბრიტანული არხის ITV News-ის ჟურნალისტი ემა ბაროუსმა.

„შავი ზღვის ფლოტის რეალური ისტორია ასეთია. მათ დაკარგეს ფლაგმანი მოსკვა, დაკარგეს კუნძული ზმეინი, დაკარგეს საზღვაო ავიაციის ნახევარი და მათი შტაბი განადგურებულია“, – ციტირებს ჟურნალისტი ოფიციალური პირის სიტყვებს.

დაზვერვის წარმომადგენელმა დასძინა, რომ რუს სამხედროებს ამოეწურათ საბრძოლო მასალა, რაც „საბოლოოდ შეამცირებს რუსეთის უნარს შეტევის განხორციელებისთვის“.