ღრმაღელის მეტროსთან კაცი მოკლეს

თბილისში, ღრმაღელის მეტროსთან კაცი მოკლეს, 2 პირი კი დაჭრეს. შემთხვევა ღამით მოხდა.

შინაგან საქმეთა სამინისტროს ცნობით, საქმეზე 1 პირია დაკავებული.

40 წლის პირმა ურთიერთშელაპარაკების ნიადაგზე, ცივი იარაღის გამოყენებით სამი ადამიანი დაჭრა, ერთ-ერთი მათგანი კლინიკაში მიყვანიდან რამდენიმე წუთში გარდაიცვალა. შსს ინფორმაციით, ბრალდებული, მომხდარიდან რამდენიმე საათში დააკავეს. გამოძიება სისხლის სამართლის კოდექსის 19-109-ე მუხლის „ლ“ ქვეპუნქტით მიმდინარეობს.

სამივე დაჭრილი კლინიკაში გადაიყვანეს, ერთ-ერთი კი კლინიკაში მიყვანიდან რამდენიმე წუთში გარდაიცვალა.

გამოძიება სისხლის სამართლის კოდექსის 19-109-ე მუხლის “ლ” ქვეპუნქტით მიმდინარეობს, რაც ორი ან ორზე მეტი პირის მიმართ, დამამძიმებელ გარემოებაში ჩადენილი განზრახ მკვლელობის მცდელობას გულისხმობს. დანაშაული 20 წლამდე ან უვადო პატიმრობას ითვალისწინებს.