აშშ-ს ცენტრალურმა სარდლობამ (CENTCOM) დაადასტურა, რომ ქუვეითში “მეგობრული ცეცხლის” გამო F-15E ტიპის სამი ამერიკული ავიაგამანადგურებელი ჩამოვარდა.
“აქტიური საბრძოლო მოქმედებებისას – რაც მოიცავდა ირანიდან სამხედრო თვითმფრინავით, ბალისტიკური რაკეტებითა და დრონებით თავდასხმებს – ქუვეითის საჰაერო თავდაცვის სისტემებმა შეცდომით აშშ-ს საჰაერო ძალების ავიაგამანადგურებლები ჩამოაგდეს.” – წერს CENTCOM.
სარდლობის განცხადებით, ექვსივე პილოტმა კატაპულტირება უსაფრთხოდ შეძლო და ახლა ისინი სტაბილურ მდგომარეობაში არიან.
“ქუვეითმა პასუხისმგებლობა აიღო ამ ინციდენტზე და ჩვენ მადლობელი ვართ ქუვეითის თავდაცვის ძალების ძალისხმევისა და მიმდინარე ოპერაციაში მათი მხარდაჭერისთვის.” – დაამატა CENTCOM-მა.
მანამდე ქუვეითის თავდაცვის სამინისტრომ განაცხადა, 2 მარტს “რამდენიმე ამერიკული სამხედრო თვითმფრინავი ჩამოვარდა”.
სოციალურ მედიაში გავრცელდა ინციდენტის ამსახველი ვიდეოც:
Loading ...