ქობულეთის შემოვლით გზაზე ავტოსაგზაო შემთხვევის დროს შვიდი ადამიანი დაშავდა. ერთმანეთს ორი მსუბუქი ავტომობილი შეეჯახა. დაშავებული მგზავრები სასწრაფო დახმარების ბრიგადამ სამედიცინო დაწესებულებაში გადაიყვანა.
კლინიკა ბიემსი-ში ამბობენ, რომ სამედიცინო დაწესებულებაში სამი პაციენტი შეიყვანეს, მათ შორის ერთის მდგომარეობა მძიმეა. უტარდებათ შესაბამისი კლინიკურ-ლაბორატორიული კვლევები.
თვითმხილველების თქმით, ერთ-ერთი ავტომობილიდან მგზავრის ამოსაყვანად, მანქანის სპეციალური ტექნიკით გაჭრაც მოუხდათ.
შემთხვევის ადგილზე იმყოფებიან სამართალდამცველები.
შინაგან საქმეთა სამინისტროს ინფორმაციით, მომხდარ ფაქტზე გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც გულისხმობს ავტომობილის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.
adjaratv.ge
Loading ...