ქობულეთის კლასტერი ფართოვდება – კორონავირუსი მუხაესტატეს მაცხოვრებელს დაუდგინდა

ქობულეთის კლასტერი ფართოვდება. დღეს ცნობილი გახდა, რომ სოფელ მუხაესტატეში მცხოვრებ 72 წლის მამაკაცს კორონავირუსი წუხელ ღამით დაუდასტურდა. უცნობია მისი დაინფიცირების წყარო თუმცა ცნობილია, რომ მისი შვილი ქობულეთის სამედიცინო ცენტრში მკურალობდა. როგორც უჩა შამანაძემ ჟურნალისტებთან საუბრისას აღნიშნა , კლინიკაში 5 დღე იმყოფებოდა პნევმონიის დიაგოზით. მისი თქმით, მას შემდეგ რაც ეს კლინიკა გახდა აქტუალური, ოჯახმა მიმართა 112-ს. „მე და მამა გამოგვიკვლიეს კორონავირუსზე, მას ცხელება ჰქონდა. ჩემზე უარყოფითი პასუხი მოვიდა, მამაჩემი კი ბათუმში გადაიყვანეს, ასევე გამოიკვლიეს მეზობლები. კლინიკაში პირველი აპრილიდან 5 დღე ვიმყოფებოდი. სახლში გამოსვლის შემდეგ მამაჩემს მაღალი ტემპერატურა ჰქონდა. მას შემდეგ, რაც ქობულეთში დაინფიცირებულები დაემატა გადავწყვიტეთ მიგვემართა ექიმებისთის“, – განაცხადა შამანაძემ. ქობულეთის სამედიცინო ცენტრთან დაკავშირებული ეს უკვე მეოთხე პაციენტია, რომელსაც კორონა ვირუსი დაუდგინდა. აქედან ერთი, სოფელ გვარას მაცხოვრებელი, რომლის კავშირები გურიამდეც აღწევს, კლინიკიდან ისე გაწერეს, რომ ვირუსზე არავის შეუმოწმებია. იგი სახლში გახდა ცუდად და სწორედ შემდეგ გაირკვა, რომ კორონავირუსი ჰქონდა. ამავე საავადმყოფოდან გადაიყვანეს 82 წლის ქალი, რომელიც სოფელ ნოღაში ცხოვრობს. მასაც კორონა ვირუსი დაუდასტურდა. აჭარის ჯანდაცვის მინისტრის მოადგილე ნიმო ნიჟარაძე ადასტურებს, რომ კლინიკაში პაციენტიდან პაციენტის გადადების შემთხვევა დაფიქსირდა. კლინიკა კი პასუხისმგებლობას არ იღებს. მომხდარზე უკვე დაწყებულია მოკვლევა