ქვემო აკეთში მდებარე თხილის საწარმოს მშენებლობა სრულდება

ლანჩხუთის მუნიციპალიტეტის სოფელ ქვემო აკეთში მშენებარე თხილის საწარმოს “თხილის მწარმოებელთა ასოციაციის” წარმომადგენლები ესტუმრნენ. მშენებლობა უკვე დასკვნით ფაზაშია. დღესვე საწარმოში მიიტანეს ტექნიკის ნაწილი, მათ შორის, ფაროსანას საწინააღმდეგო შესაწამლი აპარატები. “გურია TV” ესაუბრა “თხილის მწარმოებელთა ასოციაციის” თავმჯდომარეს გიორგი თოდუას, რომელმაც თხილის საშრობი და საწყობი ცენტრის მნიშვნელობაზე ისაუბრა. მისი თქმით, ეს არის გურიაში პირველი საწარმო, რომლის ანალოგიც დასავლეთ საქართველოდან მხოლოდ სამეგრელოში ფუნქციონირებს. ჩვენს კითხვაზე – თუ როდის გაიხსნება ოფიციალურად აღნიშნული ქარხანა, თოდუა ამბობს, რომ უკვე 15 აგვისტოდან ფერმერებს შეეძლებათ შესაბამისი მომსახურების მიღება.

ავტორი: გიორგი მორჩილაძე