ქართული ოცნების ცენტრალური ოფისის ერთერთ თანამშრომელს ახალი კორონავირუსი დაუდასტურდა. ამის შესახებ ინფორმაცია ტაბულას “ოცნების” პრესსამსახურში დაუდასტურეს.
მათი თქმით, პარტიის ოფისში პროტოკოლით გათვალისწინებული შესაბამისი სამუშაოები უკვე ჩატარდა. ინფიცირებული თანამშრომელთან კონტაქტში მყოფი პირები დროებით იზოლაციაში გადავიდნენ.
პარტიის პრესამსახურის თქმით, ამ დროისთვის მიმდინარეობს ოფისის თანამშრომლების ინტენსიური ტესტირება, – “ამ ეტაპზე ჩატარებული ყველა ტესტის პასუხი უარყოფითია”.
როგორც ცნობილია, ინფიცირებული პირი ქართული ოცნების ცენტრალური ოფისის დასუფთავების სამსახურის წარმომადგენელია.