ქართული თხილის საექსპორტო ფასი გაიზარდა – როგორია სტატისტიკა?

გარემოს დაცვისა და სოფლის მეურნეობის სამინისტროს ინფორმაციით, 2026 წლის მარტში საქართველოდან ექსპორტირებულია 14.3 მლნ აშშ დოლარის ღირებულების 1.3 ათასი ტონა თხილი. წინა წლის მარტთან შედარებით, ექსპორტირებული თხილის რაოდენობა 8%-ით (113.3 ტონა) შემცირდა, ხოლო ღირებულება 39%-ით (4 მლნ აშშ დოლარი) გაიზარდა.

უწყების თანახმად, ბოლო წლებში მზარდია როგორც ექსპორტირებული თხილის მოცულობა, ისე მისი საექსპორტო ფასი, რაც ნაჭუჭგაცლილი თხილის ექსპორტის ზრდით აიხსნება.

ქართული თხილის ძირითადი საექსპორტო ბაზარი ევროკავშირია (იტალია, ესპანეთი, გერმანია, საფრანგეთი, საბერძნეთი), სადაც 2025 წლის 1 აგვისტოდან 2026 წლის 31 მარტის ჩათვლით ექსპორტირებულია 10.7 ათასი ტონა თხილი. ასევე, 1.1 ათასი ტონა თხილი ექსპორტირებულია სირიაში, 557 ტონა რუსეთში, 516 ტონა სომხეთში და ქვეყნებში.

ცნობისთვის, გასულ წელს, ჯამურად საქართველოდან ექსპორტზე 171 მლნ 668 ათასი დოლარის ღირებულების 20 ათას ტონამდე თხილი გავიდა, რაც გასული წლების მაჩვენებელს მნიშვნელოვნად აღემატებოდა.

www.bm.ge