ქართული ეკონომიკის სექტორები, სადაც ყველაზე მაღალი ხელფასებია

საქსტატის ინფორმაციით, 2020 წლის მესამე კვარტლის მდგომარეობით, საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 1.8%-ით (22.4 ლარით) გაიზარდა და 1,239.5 ლარი შეადგინა.

საქმიანობის სფეროებს შორის პირველ ადგილზე კომუნიკაციების სექტორია, სადაც საშუალო ანაზღაურება თვეში 2150 ლარია. ამ მხრივ, მეორე ადგილზეა საფინანსო და სადაზღვევო სექტორი, სადაც დასაქმებულთა საშუალო ანაზღაურება 2013 ლარს შეადგენს. ყველაზე დაბალანაზღაურებად სფეროდ კვლავ განათლების სექტორი რჩება, სადაც საშუალო ანაზღაურება 743 ლარია.

საშუალო ყოველთვიური ხელფასები საქმიანობის სახეების მიხედვით:

• კომუნიკაციების სფერო – 2150.6 ლარი, ზრდა წინა წელთან 191.9 ლარი; 
• საფინანსო და სადაზღვევო საქმიანობები – 2023.6 ლარი, ზრდა წინა წელთან 125 ლარი; 
• პროფესიული, სამეცნიერო და ტექნიკური საქმიანობები – 1909.7 ლარი, კლება წინა წელთან -26.5 ლარი; 
• მშენებლობა – 1875.8 ლარი, კლება წინა წელთან -132.6 ლარი; 
• სამთომოპოვებითი მრეწველობა – 1604.4 ლარი, ზრდა წინა წელთან 123.5 ლარი; 
• სახელმწიფო მმართველობა და თავდაცვა – 1475.7 ლარი, ზრდა წინა წელთან 90.6 ლარი; 
• ელექტროენერგიის, აირის, ორთქლის და კონდიცირებული ჰაერის მიწოდება – 1465.8 ლარი, კლება წინა წელთან -122.1 ლარი; 
• ტრანსპორტირება და დასაწყობება – 1455.5 ლარი, კლება წინა წელთან -71.2 ლარი; 
• უძრავ ქონებასთან დაკავშირებული საქმიანობები – 1178.6 ლარი, კლება წინა წელთან -12.6 ლარი; 
• საბითუმო და საცალო ვაჭრობა  – 1170.2 ლარი, ზრდა წინა წელთან 62.1 ლარი; 
• დამამუშავებელი მრეწველობა – 1149.5 ლარი, ზრდა წინა წელთან 60.6 ლარი; 
• ჯანდაცვა და სოციალური მომსახურების საქმიანობები – 1093.4 ლარი, კლება წინა წელთან -19.2 ლარი; 
• ხელოვნება, გართობა და დასვენება – 888.4 ლარი, კლება წინა წელთან -302.7 ლარი; 
• ტურიზმი – 874.9 ლარი, კლება წინა წელთან -117.4 ლარი; 
• სოფლის, სატყეო და თევზის მეურნეობა – 845.9 ლარი, ზრდა წინა წელთან 135 ლარი; 
• წყალმომარაგება; კანალიზაცია, ნარჩენების მართვა და დაბინძურებისაგან გასუფთავების საქმიანობები – 795.1 ლარი, ზრდა წინა წელთან 9.4 ლარი; 
• განათლება – 743 ლარი, ზრდა წინა წელთან 102.3 ლარი.

ოფიციალური მონაცემების თანახმად, საქართველოში კაცების მიერ მიღებული ხელფასების საშუალო მაჩვენებელი თვეში 1472 ლარია, ხოლო ქალების მიერ მიღებული ხელფასი ამაზე 494 ლარით ნაკლებია და 978 ლარს შეადგენს. შესაბამისად, სტატისტიკა მეტყველებს იმაზე, რომ ქალები დღეს საშუალოდ უფრო დაბალანაზღაურებად პოზიციებზე მუშაობენ, ვიდრე – კაცები.