ქაბულიდან საევაკუაციო რეისები განახლდა

ქაბულის საერთაშორისო აეროპორტიდან დიპლომატებისა და სამოქალაქო პირების ევაკუაციის მიზნით დღეს დილიდან ფრენები განახლდა.

Reuters-ის ინფორმაციით, აეროპორტის ასაფრენ-დასაფრენი ბილიკი გაწმენდილია.

შეგახსენებთ, გუშინ ქაბულის აეროპორტს ქვეყნის დატოვების მსურველი ათასობით მოქალაქე მიაწყდა. შექმნილი ქაოსის შედეგად მინიმუმ 7 ადამიანი დაიღუპა, მათ შორის რამდენიმე, რომელიც თვითმფრინავს გარედან იყო ჩაჭიდებული, აფრენილი თვითმფრინავიდან გადმოვარდა.