მაშინ, როცა უფროსები ძილს ნანატრ დასვენებად აღიქვამენ, ბავშვებისთვის ის მხიარულების დასრულებას, მშობლებთან განშორებას, სიბნელესა და მოწყენილობას ნიშნავს. გარდა ამისა, ბავშვის ტვინმა დღის განმავლობაში იმდენი ახალი ინფორმაცია აითვისა და დაამუშავა, რომ მისი დამშვიდება საღამოს ძალიან რთულია. ჩვენ გეტყვით, როგორ გახადოთ თქვენი საღამოს რიტუალი უფრო სასიამოვნო და დავეხმაროთ თქვენს შვილს სწრაფად და იოლად ჩაძინებაში.
1. „დღეს იმდენი საქმე გააკეთე, დასვენება გჭირდება“.
აუხსენით თქვენს შვილს, რომ ყველაფერი, რასაც ის აკეთებს, მნიშვნელოვანია და აუცილებლად უნდა დაისვენოს. გააგებინეთ ბავშვს, რომ დღეს მეტს ვერაფერს ვეღარ გააკეთებს – მნიშვნელოვანია, რომ სხეული და გონება გათავისუფლდეს.
2. “არაფრის შეგეშინდეს, ყოველთვის შენზე ვიზრუნებ”.
ბავშვს შეიძლება ეშინია მთელი ღამით თქვენგან განშორებისა და ბნელ ოთახში მარტო დარჩენის. ეს ფრაზა ამშვიდებს, უჩენს მას ნდობას, რომ ყოველთვის დაიცავთ მას, თუნდაც სხვა ოთახში დაიძინოთ.
3. “მომიყევი, რაც გინდა, ყოველთვის მოგისმენ”
ეს დაეხმარება თქვენს შვილს, ძილის წინ გაგიზიაროთ ნებისმიერი ემოცია ან აზრი, რომელიც შეიძლება აშფოთებს და მის დაძინებას ართულებს. მას შემდეგ, რაც იტყვის და არავინ შეარცხვენს ამის გამო, ის უფრო სწრაფად დაიძინებს.
4. „დახუჭე თვალები და წარმოიდგინე შენი თავი ძალიან კარგ ადგილას“.
ფრაზა ჰიპნოტიზატორების არსენალიდანაა, მაგრამ ის ნამდვილად მუშაობს. თუ ბავშვი გაიხსენებს მშვიდ და მყუდრო ადგილებს, დამშვიდდება და უფრო სწრაფად დაიძინებს.
Loading ...