კახეთში 25 წლამდე კაცი დაჭრეს. შემთხვევა გომბორის უღელტეხილზე გამართულ ფოლკლორულ დღესასწაულზე მოხდა. ამ დრომდე დაუდგენელმა პირმა ახალგაზრდას ჭრილობა ცივი იარაღით მიაყენა და ადგილიდან მიიმალა. რა გახდა დაპირისპირების მიზეზი, თვითმხილველები ვერ აკონკრეტებენ.
დაშავებული ახალგაზრდა სასწრაფო-სამედიცინო დახმარების ბრიგადამ თელავის რეფერალურ საავადმყოფოში გადაიყვანა. ექიმების თქმით, კაცს ღვიძლი აქვს დაზიანებული. პაციენტს შესაბამისი ქირურგიული ოპერაციაც ჩაუტარდა, თუმცა დიდი რაოდენობით სისხლის დაკარგვის გამო, მისი ჯანმრთელობის მდგომარეობა რთულია. ადგილზე სამართალდამცავები იმყოფებოდნენ.
კომენტარები
Loading ...