ფოთის ცხელების ცენტრში გურიიდან ორი მამაკაცია გადაყვანილი

ფოთში, „ცხელების კლინიკაში“ რესპირატორული სიმპტომებით მოთავსებული პაციენტების რიცხვი გაიზარდა.

ამის შესახებ ჰოსპიტლის დირექტორმა, თეა მიგინეიშვილმა განაცხადა.

„დილით გვყავდა სულ 10 პაციენტი, თუმცა „ცხელების კლინიკაში“ დღის პირველ ნახევარში დაგვემატა 60 წლის მამაკაცი ფოთიდან, ტრაილერის მძღოლი. ამდენად, ლაბორატორიაში 11 პაციენტის ბიოლოგიური მასალა გაიგზავნა. საღამოს დაგვემატა კიდევ ორი პაციენტი, 51 წლის მამაკაცი ოზურგეთიდან და 25 წლის მამაკაცი გრიგოლეთიდან. მათი ბიოლოგიური მასალა ჯერ არ გაგზავნილა. მათ ტესტს ხვალ ჩაუტარებენ“,- განაცხადა თეა მიგინეიშვილმა.