ფინანსური თაღლითობა სკოლაში – ჩოხატაურის მუნიციპალიტეტის სოფელ იანეულის საჯარო სკოლის ბუღალტერი ფინანსურ მაქინაციებში ამხილეს. გავრცელებული ინფორმაციის თანახმად ის პირად ანგარიშზე ორმაგი ოდენობის ხელფასს ირიცხავდა. როგორც ჩოხატაურის საგანმანათლებლო რესურსცენტრის უფროსი შორენა სიხარულიძე ამბობს, ფინანსური დარღვევა სკოლის დირექტორმა აღმოაჩინა და საქმის კურსში რესურსცენტრი და შესაბამისი ორგანოები ჩააყენა. სავარაუდოდ, ადგილი ჰქონდა სახელფასო უწყისის გაყალბებას და ყოველთვიურად ორმაგი ხელფასის გამოწერას. მსგავს ქმედებას სკოლის ბუღალტერი პანდემიის დროს ეწეოდა. როგორც რესურსცენტრის უფროსი ამბობს, ჯამში საუბარია 5000 ლარის მითვისებაზე. როგორც აღმოჩნდა, ბუღალტერი ყოველთვიურად კი 250 ლარს ითვისებდა. საქმეს აჭარის პროკურატურა იძიებს. სკოლის ბუღალტერი ამ ეტაპისთვის დაკავებული არ არის და მას შრომითი ხელშეკრულება არ შეწყვეტია.
Loading ...