ფერიაში მეწყერმა სამი სახლი დაანგრია – დაშავდა ერთი ადამიანი

აჭარაში, სოფელ ფერიაში მეწყერმა სამი სახლი დააზიანა. ძლიერი წვიმის შედეგად ჩამოწოლილმა მიწის მასამ საცხოვრებელი სახლები წაიღო.

დაშავდა ერთი ადამიანი, რომელიც საავადმყოფოში გადაიყვანეს. ქალს სხეულის დაზიანებები აღენიშნებოდა.

”ზემოდან წამოსულმა მეწყერმა სახლი ჩაიტანა. ამ დროს მე და დედა სახლში ვიმყოფებოდით. საშინელება იყო, ცვიოდა  მინები, კარები, ფანჯრები. დედაჩემის ხმა გავიგონე, მაგრამ კარი ვერ გავაღე. ფანჯრიდან მომიწია გადასვლა და მისი გამოყვანა. მერე დავრეკე სამაშველო სამსახურში, სასწრაფოში ”- იხსენებს რამაზ ანთაძე.

ფერიის ადმინისტრაციული ერთეულის წარმომადგენელი, ბეგლარ აბაშიძე კი ამბობს, რომ მეწყრული პროცესების განვითარების რისკები ისევ არსებობს.

ajaratv.ge