“ფედერალისტები” პარტიად დაარეგისტრირეს

საჯარო რეესტრმა ფედერალისტები პოლიტიკურ პარტიად დაარეგისტრირა. ინფორმაციას პარტიის ერთ-ერთი ლიდერი თამარ ჩერგოლეიშვილი ავრცელებს.

“ფედერალისტებო, გილოცავთ, დარეგისტრირდა ჩვენი პარტია!” – წერს ჩერგოლეიშვილი.

პარტიამ 9 თებერვალს რიგით მეორე სადამფუძნებლო ყრილობა გამართა, მას შემდეგ რაც, ტექნიკური მიზეზებით საჯარო რეესტრმა პარტიის წესდება დაახარვეზა.

“ჩვენ მეორე ჯერზე შეგვაქვს ქართული ოცნების ანალოგიური წესდება და დახარვეზების შემთხვევაში, ცხადი იქნება, რომ პოლიტიკური მოტივია” – ნათქვამი იყო პარტიის მიერ 9 თებერვალს გავრცელებულ განცხადებაში.

13 თებერვალს ფედერალისტებმა პარტიის დაფუძნებაზე განაცხადი მეორედ შეიტანეს.