უნდა აშენდეს თუ არა სოფელ ვაკიჯვარში ჰესი? – ხვალ ამ საკითხზე საჯარო განხილვა ჩატარდება

დღეს ოზურგეთის მერიამ განცხადება გაავრცელა. მუნიციპალიტეტის ცნობით, ხვალ სოფელ ვაკიჯვარში  ჰიდროელექტროსადგურის მშენებლობასთან დაკავშირებით საჯარო განხილვა გაიმართება.

”26 ივლისს , სოფელ ვაკიჯვრის ადმინისტრაციული ერთეულის შენობაში დაგეგმილია შპს ,,უნივერსალ ენერჯი ქორფორეიშენის” მდინარე ნატანებზე ჰიდროელექტროსადგურის (ნატანები 3 ჰესი, 9.085 მგვტ) მშენებლობის და ექსპლუატაციის პროექტის სკოპინგის ანგარიშის საჯარო განხილვა. 
საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის
სამინისტრო. 
2019 წლის 28 ივნისს, შპს „უნივერსალ ენერჯი ქორფორეიშენმა“ სამინისტროში წარმოადგინა, ოზურგეთის მუნიციპალიტეტში, შპს „უნივერსალ ენერჯი ქორფორეიშენის“ მდ ნატანებზე
ჰიდროელექტროსადგურის (ნატანები 3 ჰესი, 9.085 მგვტ) მშენებლობის და ექსპლუატაციის
პროექტის სკოპინგის განცხადება. “გარემოსდაცვითი შეფასების კოდექსის” თანახმად, სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს
დაცვისა და სოფლის მეურნეობის სამინისტრო.
საჯარო განხილვა ღიაა, მასში
მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების
ნებისმიერ წარმომადგენელს. 
პროექტის დოკუმენტაციასთან დაკავშირებული შენიშვნები და მოსაზრებები ასევე
შეგიძლიათ წარუდგინოთ სამინისტროს 2019 წლის 26 ივლისამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე eia@mepa.gov.ge.
ასევე, მოთხოვნის შემთხვევაში, სამინისტრო უზრუნველყოფს „გარემოსდაცვითი შეფასების
კოდექსით” გათვალისწინებული დოკუმენტაციის მიწოდებას ნაბეჭდი სახით”