უნგრეთმა უკრაინისთვის დაბლოკილ 90 მილიარდ დოლარზე ვეტო მოხსნა და რუსეთის წინააღმდეგ სანქციების მე-20 პაკეტს მხარი დაუჭირა – ამგვარად, ევროკავშირმა გადამწყვეტი ნაბიჯი გადადგა 2026-2027 წლებისთვის უკრაინისთვის განკუთვნილი მასშტაბური სესხის დამტკიცების საბოლოო პროცედურაში. საკითხი ეხება ევროკავშირის მრავალწლიან ბიუჯეტში ცვლილების შეტანას. ეს არის ბოლო ტექნიკური ელემენტი, რომელიც აუცილებელია კიევისთვის სესხის გაცემის დასაწყებად. ევროკავშირის ქვეყნების ელჩების გადაწყვეტილებამ გზა გაუხსნა სესხის საბოლოო დამტკიცებას.
„ახლა ეს ევროკავშირის საბჭოს მიერ საბოლოო დამტკიცებისთვის წერილობით პროცედურას გაივლის“ | განაცხადა კვიპროსის თავმჯდომარეობის წარმომადგენელმა.
ორბანის მთავრობა უკრაინისთვის ევროკავშირის სასესხო პაკეტი რამდენჯერმე დაბლოკა. ამის მიზეზად მილსადენ დრუჟბას ასახელებდნენ და ზელენსკის მისი აღდგენისკენ მოუწოდებდნენ.
20 თებერვალს უნგრეთმა ევროკავშირის მიერ უკრაინისთვის შეთანხმებული 90 მილიარდი ევროს სასესხო პაკეტი დაბლოკა- “ჩვენ ვბლოკავთ უკრაინისთვის ევროკავშირის 90 მილიარდი ევროს ოდენობის სესხს მანამ, სანამ დრუჟბის მილსადენის მეშვეობით უნგრეთში ნავთობის მიწოდება არ აღდგება.” | თქვა ორბანის მთავრობის საგარეო საქმეთა მინისტრმა, პიტერ სიიარტომ
Loading ...