16-17 ოქტომბრის ღამეს, სამხრეთის მიმართულებით, უკრაინის შეიარაღებული ძალების საჰაერო ძალებმა 26 „კამიკაძე-დრონი“ გაანადგურეს, აღმოსავლეთში კი – 3 ფრთოსანი რაკეტა, – ინფორმაციას უკრაინის შეიარაღებული ძალების საჰაერო ძალების სარდლობა ავრცელებს.
„17 ოქტომბერს, 03.30-დან 06.50 საათამდე, სამხრეთის საჰაერო თავდაცვის ძალებმა და საშუალებებმა 15 დრონი ჩამოაგდეს: 6 – ოდესის ოლქის თავზე და 9 – მიკოლაივის ოლქის თავზე. ზოგადად, 16-17 ოქტომბრის ღამეს, სამხრეთის მიმართულებით 26 ერთეული Shahed-136 განადგურდა“, – აცხადებენ საჰაერო ძალების სარდლობაში.
მათივე ინფორმაციით, რუსულმა ძალებმა აღმოსავლეთის მიმართულებით კრიტიკულ ინფრასტრუქტურაზე სხვადასხვა ტიპის ფრთოსანი რაკეტებით თავდასხმა განახორციელეს.
„საჰაერო ძალების საზენიტო-სარაკეტო ქვედანაყოფებმა სამი რაკეტა გაანადგურეს“, – აცხადებენ სარდლობაში.
Loading ...
