უკრაინელმა სამხედროებმა შეაჩერეს რუსი დამპყრობლების შეტევა ლუგანსკის ოლქის ქალაქ ლისიჩანსკის სამხრეთ გარეუბანში – მათ ზარალი მიაყენეს მტერს და აიძულეს უკან დაეხიათ.
ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.
„შეტევის განახლების მიზნით ოკუპანტები ბრძოლაში რთავენ რეზერვებს. მტრის შეტევითი მოქმედებები ბოროვსკოეს მახლობლად ასევე შეაჩერეს უკრაინელმა დამცველებმა. მტერმა აწარმოა ბრძოლით დაზვერვა ბელაია გორას დასახლების მიდამოში. მან განაგრძო შეტევა რეი-ალექსანდროვკას დასახლების მიდამოში, ბრძოლები გრძელდება“, – აღნიშნეს გენერალურ შტაბში.
მათი თქმით, სევეროდონეცკზე კონტროლისთვის ბრძოლა გრძელდება.
„მე-2 არმიის კორპუსის ქვედანაყოფები, ეროვნული გვარდიის რაზმების მხარდაჭერით, ახორციელებენ თავდასხმის ოპერაციებს სევეროდონეცკზე სრული კონტროლის დასამყარებლად…“, ხაზგასმულია შეტყობინებაში.
Loading ...
