უკრაინის ძალებმა გოსტემელში ანტონოვის აეროპორტი დაიბრუნეს. ინფორმაციას პრეზიდენტის ოფისის მრჩეველი, ოლექსეი არესტოვიჩი ავრცელებს. ორესტოვიჩის თქმით, აეროპორტში რუსეთის სადესანტო ძალები განადგურებულია.
გოსტემელის აეროპორტი კიევის შემოგარენში, დედაქალაქიდან 40 კილომეტრის დაშორებით მდებარეობს.
რამდენიმე საათის წინ გავრცელდდა ინფორმაცია, რომ უკრაინელმა სამხედროებმა „ჰოსტომელის“ აეროპორტში რუსი მედესანტეების შეტევა მოიგერიეს და აეროპორტზე კონტროლისთვის ბრძოლა მიმდინარეობს.„ჰოსტომელის“ აეროპორტში რუსეთის საოკუპაციო ძალების წინააღდეგ უკრაინის არმია არტილერიას და ტანკებს იყენებს. ამის შესახებ ინფორმაციას უკრაინის მედია გვარდიის სწრაფი რეაგირების ბრიგადის პრესსამსახურზე დაყრდნობით ავრცელებს.
გავრცელებული ცნობით, უკრაინელმა გვარდიელებმა რუსი მედესანტეების ოცეული გაანადგურეს.
მანამდე გავრცელდა ინფორმაცია, რომ რუსმა სამხედროებმა „ჰოსტომელის“ აეროპორტზე კონტროლი დაამყარეს. აეროპორტი უკრაინის დედაქალაქ კიევის მახლობლად მდებარეობს.
კომენტარები
Loading ...