უკრაინის პრეზიდენტის აპარატი – რუსი ოკუპანტების მიერ განხორციელებული თავდასხმების შედეგად 28 ბავშვი გარდაიცვალა, 64 კი დაიჭრა

ომის მიმდინარეობის 8 დღის განმავლობაში რუსი ოკუპანტების მიერ განხორციელებული თავდასხმების შედეგად 28 ბავშვი გარდაიცვალა, 64 კი დაიჭრა.

უკრაინის პრეზიდენტის აპარატის ცნობით, ასეთი მონაცემები გამოაქვეყნა მრჩეველმა – უკრაინის პრეზიდენტის უფლებამოსილმა წარმომადგენელმა ბავშვთა და ბავშვთა რეაბილიტაციის საკითხებში დარია გერასიმჩუკმა.

„განადგურებულია სამშობიარო სახლები, საბავშვო ბაღები და სკოლები. ტერიტორიებზე, რომლებიც ალყაშია და სადაც ხორციელდება დაბომბვები, ამჟამად 1,5 მილიონი ბავშვი იმყოფება. მათ შორის არიან ობოლი და შშმ ბავშვები, რომლებიც საჭიროებენ დაუყოვნებელ დახმარებას,“- განაცხადა გერასიმჩუკმა.

უკრაინა სთხოვს წითელი ჯვრის საერთაშორისო კომიტეტს დაუყოვნებლივ შეუწყონ ხელი ჰუმანიტარული დერეფნების შექმნას.