უკრაინის გენშტაბი რუსეთის არმიის დანაკარგების შესახებ მონაცემებს ავრცელებს

უკრაინის გენშტაბის მონაცემებით, „ბაირაქტარმა“ ოთხი რუსული სამხედრო კოლონა გააჩერა, მტრის საერთო დანაკარგი კი უკვე თითქმის 12 000-ია.

უკრაინის მედიის ინფორმაციით, უპილოტო საფრენმა აპარატმა ოპერაცია სუმის ოლქში სატანკო კოლონების წინააღმდეგ განახორციელა.

უკრაინის არმიის გენშტაბის ცნობით, 24 თებერვლის შემდეგ უკრაინის არმიამ რუსული საოკუპაციო ჯარების 12 000-მდე ჯარისკაცი გაანადგურა.

რუსეთის არმიამ უკრაინაში ასევე დაკარგა 303 ტანკი, 1 036 ჯავშანტრანსპორტიორი, 56 ზალპური ცეცხლის რეაქტიული სისტემა, 27 საჰაერო თავდაცვის სისტემა, 48 თვითმფრინავი, 80 ვერტმფრენი, 474 საავტომობილო ტექნიკა, სამი კატარღა, 60 საწვავის ავზი და შვიდი ოპერატიულ-ტაქტიკური დონის უპილოტო საფრენი აპარატი.