უკრაინის შეიარაღებული ძალების გენერალური შტაბის მონაცემებით, რუსეთის შეჭრიდან 145-ე დღეს, ყველაზე ინტენსიური საბრძოლო მოქმედებები გრძელდება დონეცკის ოლქში. გენერალური შტაბის მიერ დღეს დილით გამოქვეყნებული ინფორმაციით, ქალაქ დონეცკის მიმართულებით, მოწინააღმდეგემ სამოქალაქო და სამხედრო ინფრასტრუქტურაზე შეტევა მიიტანა ათამდე დასახლებულ პუნქტთან, საიდანაც სამთან იერიში მოგერიებულია.
უკრაინის გენშტაბის ცნობითვე, დონეცკის ოლქის ქალაქ ბახმუტის მიმართულებით რუსეთის სამხედრო ქვედანაყოფებმა წარუმატებელი შეტევის შემდეგ უკან დაიხიეს სამ, მათ შორის უგლეგორის თბოელექტროსადგურის რაიონში.
ამერიკული ანალიტიკური ცენტრის, ომის შემსწავლელი ინსტიტუტის (ISW) მონაცემებით, 17 ივლისს, რუსეთის სამხედრო ძალები განაგრძობდნენ შეზღუდულ სახმელეთო შეტევებს დონეცკის, ბახმუტის და სევერსკის გარშემო, თუმცა, ახალი ტერიტორიების დაკავების მხრივ, რაიმე წინსვლისთვის არ მიუღწევიათ.
Loading ...
