“უკრაინსკაია პრავდა” უკრაინის შეიარაღებული ძალების გენერალურ შტაბზე დაყრდნობით ავრცელებს ცნობას რუსეთის არმის დანაკარგების შესახებ.
გენშტაბი აქვეყნებს მონაცემებს 24 თებერვლის შემდეგ, მას მერე, რაც რუსეთის არმიას უკრაინაში დაიწყო ფართომასშტაბიანი ომი.
ცნობის თანახმად, რუსეთმა ომის დაწყების შემდეგ დაკარგა 15300 სამხედრო, 500-ზე მეტი ტანკი და 99 თვითმფრინავი. უკრაინის მონაცემები, როგორც ცნობაშია ნათქვამი, ყოველდღიურად ზუსტდება ინტენსიური საბრძოლო მოქმედებების ფონზე.
რუსეთის არმიამ, 509 ტანკთან ერთად, ამ ცნობის მიხედვით, დაკარგა 1556 ჯავშანმანქანა და 1000 სხვა სახის ავტომობილი. რაც შეეხება საჰაერო საბრძოლო ტექნიკას, ჩამოგდებულია რუსეთის 99 თვითმფრინავი და 123 ვერტმფრენი. სხვა საბრძოლო საშუალებებს შორის რუსეთის არმიამ დაკარგა 252 საარტილერიო სისტემა და საზენიტო თავდაცვის 45 ერთეული, 80 ზალპური ცეცხლის რეაქტიული სისტემა და სხვა.
Loading ...