„უკრაინელი სატანისტებისთვის მორიგ სიურპრიზებს ვამზადებთ“ – კადიროვი

ჩეჩნეთის ლიდერი რამზან კადიროვი აცხადებს, რომ უკრაინელებს იგი ახალ „სიურპრიზებს“ უმზადებს.

მისივე თქმით, „კადიროველებმა“ ახლახან ჩატარებული ოპერაციის დროს „600-ზე მეტი უკრაინელი გაანადგურეს“.

„მორიგ სიურპრიზებს ვამზადებთ სატანისტებისთვის. ეს არ არის ცარიელი სიტყვები. ვინც ჩემს განცხადებებს მიყვება, კარგად იცის, რომ ასეთ განცხადებებს შედეგები მოჰყვება. ყველას ახსოვს ჩვენს მიერ ახლახან ჩატარებული ოპერაცია „ანგარიშსწორება“. მხოლოდ ერთი დღის განმავლობაში 600-ზე მეტი ბანდერელი გავანადგურეთ“, – აცხადებს კადიროვი.