უკრაინელებმა ლიმანთან რუსული ბომბდამშენი ჩამოაგდეს

დონეცკის რეგიონში, ლიმანთან, უკრაინელმა დამცველებმა რუსული ბომბდამშენი სუ-34 გაანადგურეს.
ამის შესახებ უკრაინის შეიარაღებული ძალების სტრატეგიული კომიტეტი თავის ტელეგრამ არხზე იტყობინება.

“რუსული “სუ-34” ბომბდამშენი ჩამოგდებული იქნა ლიმანთან, სარეგისტრაციო ნომერი RF 81852. იგი ეკუთვნოდა 21-ე საჰაერო დივიზიის მე-2 შერეულ საჰაერო პოლკს, რომლის ძირითადი დისლოკაციის ადგილია ჩელიაბინსკის რეგიონის შაგოლის აეროდრომი. ამჯერად დროებით დისლოცირებულია სეშჩას საავიაციო ბაზაზე ბრიანსკის ოლქში“, – აღნიშნულია უწყების განცხადებაში.

Stratcom-მა ასევე აჩვენა თვითმფრინავის ფოტო, სანამ მას უკრაინელი ჯარისკაცები ჩამოაგდებდნენ.