უკრაინაში გუშინ დაღუპული ორივე ქართველი მებრძოლის ვინაობა ცნობილია

უკრაინაში, რუს ოკუპანტებთან ბრძოლაში გმირულად დაღუპული კიდევ ორი ქართველი ჯარისკაცის ვინაობა ცნობილია.

გარდაცვლილები არიან დავით მენაბდიშვილი და ზურაბ შანავა. ისინი ხარკოვთან დავალებას ასრულებდნენ, შეტაკების შემდეგ კი რუსმა ოკუპანტებმა ტერიტორია დაბომბეს, რასაც ქართველების სიცოცხლე შეეწირა.

გარდა ამისა, დაიჭრა 5 ქართველი მებრძოლი. ფრონტის ხაზიდან ყველა მათგანი გამოყვანილია.

ქართველი მებრძოლები უკრაინის ერთ-ერთ ყველაზე გამორჩეულ ბატალიონში – კარპასკა სიჩში ირიცხებოდნენ.

ხარკოვთან ბრძოლები ამ დრომდე მიმდინარეობს.

შეგახსენებთ, საქართველოსა და უკრაინის საერთო მტრის წინააღმდეგ ბრძოლას უკვე 6 ქართველი ემსხვერპლა. მათგან სამი – დავით რატიანი, გია ბერიაშვილი და დავით გობეჯიშვილი სამშობლოში უკვე ჩამოასვენეს და სამხედრო პატივით დაკრძალეს. ამ დრომდე ვერ ხერხდება ალყაში მოქცეული მარიუპოლიდან ბახვა ჩიქობავას ცხედრის გამოსვენება.

www.mtavari.tv