გურიაში დიდთოვლობა გრძელდება. მაღალმთიან სოფლებში თოვლის საფარი ერთ მეტრზე მეტს აღწევს. უამინდობამ რეგიონში არაერთი პრობლემა შექმნა. გადაადგილება რთულია, როგორც ცენტრალურ, ისე შიდა გზებზე. ელექტროენერგია არ მიეწოდება სოფლების ნაწილს. რადგან თოვლმა ელექტროსადენები დააზიანა. შეფერხებით, ზოგან კი საერთოდ არ მუშაობს საზოგადოებრივი ტრანსპორტიც.
“ენერგო პრო ჯორჯიაში” აცხადებენ, რომ ტექნიკური სამსახური პრობლემურ ტეროტორიებზე მუშაობს და შუქის მიწოდება სოფლებში ეტაპობრივად აღდგება.
უამინდობის პარალელურად გზების გაწმენდაზე ინტენსიურად მუშაობს რეგიონის მუნიციპალური ტექნიკა. როგორც ოზურგეთის მერიაში ამბობენ, შესაბამისი სამსახურები 24-საათიან რეჟიმში მუშაობენ და ასე გაგრძელდება უამინდობის დასრულებამდე.
კომენტარები
Loading ...
