აშშ-ის მაღალი თანამდებობის ორი პირი, რომლებმაც წარმომადგენელთა პალატაში ამ ქვეყნის პრეზიდენტის, დონალდ ტრამპის იმპიჩმენტის პროცესზე მისი საწინააღმდეგო ჩვენება მისცეს, თანამდებობებიდან გაათავისუფლეს. გადაწყვეტილება მიღებულ იქნა მას მერე, რაც სენატმა ტრამპი ბრალდებებისგან გაათავისუფლა.
აშშ-ის ელჩმა ევროპის კავშირში, გორდონ სონდლანდმა განაცხადა, რომ გადადგა პრეზიდენტის ინიციატივით.
ერთი საათით ადრე თანამდებობიდან დაითხოვეს და თეთრი სახლიდან გაიყვანეს დაცვის თანხლებით სახელმწიფო უშიშროების საბჭოს თანამშრომელი, ალექსანდრ უინდმენი, რომელიც დემოკრატიული პარტიისთვის წყაროდ იქცა და ვისგანაც დაიწყო პრეზიდენტის იმპიჩმენტის პროცესი. უინდმენმა ჩვენება მისცა კონგრესის წარმომადგენლთა პალატაში და განაცხად, რომ პრეზიდენტმა ტრამპმა არასამართლიანი მოთხოვნები წაუყენა უკრაინის პრეზიდენტს, ვლადიმირ ზელენსკის.
სონდლანდმა განაცხადა, რომ აშშ-ში ზელენსკის ვიზიტის დროს მისთვის წაყენებული ერთ-ერთი მოთხოვნა იყო, გამოძიება დაეწყოთ უკრაინაში აშშ-ის ყოფილი ვიცე-პრეზიდენტის, ჯო ბაიდენის ოჯახის მიმართ. ევროკავშირში ელჩმა 2018 წლიდან, სონდლანდმა, რომელიც ტრამპის წინასაარჩევნო კამპანიის ერთ-ერთი დამფინანსებელი იყო,განაცხადა, რომ მადლიერია პრეზიდენტისა, რომ მისცა მას საშუალება ემუშავა სახელმწიფო მდივნის გუნდში და მისი მუდმივი მხარდაჭერისთვის. უინდმანის ადვოკატის განცხადებით, ამერიკელებს არ აქვთ შეკითხვა, რატომ დაითხოვეს ეს ადამიანი. ოთხშაბათს ამერიკის კონგრესის სენატმა უარყო ბრალდება, რომელიც პრეზიდენტს წარმომადგენლთა პალატამ გაუყენა. მას უფლებამოსილების გადამეტებაში და გამოძიებისთვის ხელის შეშლაში ედებოდა ბრალი.
ტრამპი მესამე პრეზიდენტია, რომელიც იმპიჩმენტის პროცესი მოუწყვეს და მესაემეა, რომელიც სენატმა გაამართლა.
www.radiotavisupleba.ge
Loading ...