“ტვ პირველის” დამფუძნებელი არხიდან ვახო სანაიას და ნინო ჟიჟილაშვილის წასვლას ეხმაურება. როგორც ვატო წერეთელი “ფეისბუქზე” წერს, ნინო ჟიჟილაშვილის და ვახო სანაიას თავისუფლებაში არავინ ჩარეულა.
“ეკრანიდან არ გამიგია, რომ პოლიტმეტრი ტოვებდა “ტვ პირველს”, თუმცა ეპილოგით მაინც გაოცებული ვარ. არ მწყენია. გამიკვირდა. არავის გაუშვია ნინო და ვახო არხიდან და არც არავინ ჩარეულა მათ თავისუფლებაში, უნდოდათ გადასვლა და გადავიდნენ სხვა ტელევიზიაში. წარმატებებს ვუსურვებ მათ “ფორმულაზე”. მე კი ველოდები ახალ შემოტევებს “ტვ პირველის” წინააღმდეგ. ყოველთვის ვიამაყებ ჩემი ტელევიზიის თავისუფლებითა და დამოუკიდებლობით, დანარჩენს მაყურებელი თავად ნახავს”, – წერს ვატო წერეთელი.
შეგახსენებთ, ვახო სანაიამ და ნინო ჟიჟილაშვილმა „ტვ პირველი“ დატოვეს. ისინი „ტვ პირველის“ მაყურებელს გადაცემა „პოლიტმეტრში“ დაემშვიდობნენ.
Loading ...