ტანზანიაში, ვიქტორიას ტბაში სამგზავრო თვითმფრინავი ჩამოვარდა მაშინ, როცა ცდილობდა ტბისპირა ქალაქ ბუკობას აეროპორტში დაშვებას, ქარიშხლიან ამინდში, იუწყება ადგილობრივი მედია.
ტანზანიის სამაუწყებლო კორპორაციის (TBC) ცნობით, ამ დროისთვის 15 ადამიანი გადაარჩინეს, მაგრამ უცნობია საერთოდ რამდენი მგზავრი იყო Precision Air-ის რეისზე და არის თუ არა მსხვერპლი.
სოციალურ მედიაში გავრცელებული ვიდეომასალა და სურათები აჩვენებს, რომ თვითმფრინავი თითქმის მთლიანად ჩაძირულია.
ტანზანიის პრეზიდენტი სამია სულუჰუ ჰასანი სიმშვიდისკენ მოწოდებით გამოდის და ამბობს, რომ სამაშველო ოპერაცია გრძელდება.
კომენტარები
Loading ...
