ტაილანდში საბავშვო ბაღზე თავდასხმის შედეგად, 31 ადამიანი დაიღუპა

ტაილანდის ერთ-ერთ საბავშვო ბაღში სროლის შედეგად სულ მცირე 31 ადამიანი დაიღუპა. ამის შესახებ BBC წერს.

წინასწარი ინფორმაციით, ცეცხლი პოლიციის ყოფილმა ოფიცერმა გახსნა.

შემთხვევა ქვეყნის ჩრდილო-აღმოსავლეთ რეგიონში მოხდა. დაღუპულთა და დაშავებულთა შორის მცირეწლოვნების გარდა, ზრდასრულებიც არიან. როგორც მედია იუწყება, პოლიცია თავდამსხმელს ეძებს. თავდასხმის მოტივი ჯერჯერობით უცნობია.

ტაილანდში მასობრივი სროლები იშვიათია. 2020 წელს ჯარისკაცმა 21 ადამიანი მოკლა და ათობით დაჭრა.